Τρίτη, 12 Δεκεμβρίου 2017

„მაგრამ თქვენ რატომ დუმდით აქამდე?“





ერთ-ერთმა მამამ გვიამბო:

„ერთი ბერი, რომელიც ძალიან წმინდად და უბიწოდ ცხოვრობდა, ლიტურგიის აღსრულების დროს ტრაპეზის მარჯვენა და მარცხენა მხარეს ანგელოზებს ხედავდა. ღმრთისმსახურების წესი მან მწვალებლებისგან შეითვისა. თვითონ ის საღმრთო დოგმატებში ვერ ერკვეოდა, ამიტომაც – არა ბოროტგანზრახულად, არამედ თავისი უბრალოების გამო – ლიტურგიის ლოცვებს შეცდომით ამბობდა. ერთხელ, ღმრთის განგებით, მასთან ერთი ძმა მივიდა: იგი დიაკონი იყო და დოგმატებშიც კარგად ერკვეოდა. როდესაც ბერი მასთან ერთად წირავდა, დიაკონმა უთხრა:

– მამაო, რასაც შენ ამბობ, ჭეშმარიტ სწავლებას ეწინააღმდეგება, მწვალებლებისგან არის აღებული.

ამ დროს ბერი, როგორც ყოველთვის, ანგელოზებს ხედავდა, ამიტომაც არავითარი ყურადღება არ მიუქცევია დიაკვნის სიტყვებისთვის. დიაკონი კი განუწყვეტლივ უმეორებდა:

– სცდები, მამაო, ეს მიუღებელია ეკლესიისთვის.

ამ საყვედურებისა და მხილების დროს ბერმა ანგელოზებს ჰკითხა:

– აი რას მეუბნება დიაკონი. ეს სიმართლეა?

– დაუჯერე მას, ის მართალს ამბობს, – უპასუხეს ანგელოზებმა.

– მაგრამ თქვენ რატომ დუმდით აქამდე?

– ღმერთმა ისე მოაწყო, რომ ადამიანები თვით ადამიანების მიერ უნდა გამოსწორდნენ, – უპასუხეს ანგელოზებმა.

იმ დღიდან ბერმა გამოასწორა თავისი შეცდომა და ღმერთსაც მადლობას სწირავდა და ძმასაც“.

თხრობანი ლიმონარიდან

Σάββατο, 25 Νοεμβρίου 2017

კითხვა-მიგება მარკოზ ეფესელისა, რომლის ზედწერილია “ლატინოს”, ანუ “მრწამსის” დანამატის შესახებ.


        
ლათინელი: მიკვირს, რომ გვკიცხავთ ჩვენ “მრწამსის” შევსების გამო, მაშინ, როცა მეორე მსოფლიო კრებამ პირველი კრების მთელი მრწამსი შეცვალა, როდესაც დამატებები შესძინა მას და როდესაც მეტი სიცხადისათვის გაზარდა კიდეც და განავრცო იგი. ასე რომ, სიტყვიერი ცვლილება არაფერს ავნებს მათ, რომლებიც ზედმიწევნით იცავენ დოგმატებს.

ბერძენი: ვაღიარებთ, რომ ასეა და ვიცით, რომ მეორე კრების “მრწამსი” წარმოადგენს პირველის სიტყვიერ ცვლილებას, თუმცა ამით იმას როდი ვამბობთ, რომ ხსენებულ მამათა მსგავსად, თქვენც გაქვთ უფლება შეცვალოთ “მრწამსი”.

ლათინელი: რატომ?

ბერძენი: უპირველსად, იმიტომ, რომ ის კრებები მსოფლიო კრებები იყო, ხოლო შენი შემატება ამგვარი არ არის, თუმცა დიდად იქადი პაპით და მისი პირველობით. გარდა ამისა, მაშინ შეიძლებოდა შემატება, რადგანაც ჯერ კიდევ არ იყო ეს აკრძალული, ხოლო შენ, რომელიც აკრძალვის შემდეგ ბედავ სიტყვის დართვას, თანამდები ხარ მამათა მიერ აღმოთქმული წყევლისა.


Παρασκευή, 24 Νοεμβρίου 2017

ინტერვიუ გერონდა საბა ლავრიოტელთან, ათონის წმინდა მთის ღირსი ათანასეს დიდი ლავრის სულიერი სათათბიროს წევრთან (31. 05. 2016 წ.) პატრიარქ ბართლომეს ,,წმინდა“ და ,,დიდი“ კრების, ანუ ავაზაკთა კრების შესახებ



ეს ინტერვიუ კრეტის  ფსევდო კრებამდე ცოტა ხნით ადრე ჩაიწერა და მნიშვნელოვანია  იმით, რომ  მამა საბას მიერ ამ ინტერვიუში გამოთქმული  ვარაუდები კრეტის მომავალ კრებასთან დაკავშირებით,  რომ ის გახდებოდა ავაზაკთა (ანტიმართმადიდებლური) კრება სამწუხაროდ  გამართლდა.( რედ.)


- მადლობას ვუხდით მამა საბას, ათონის დიდი ლავრის სულიერი სათათბიროს წევრს, იმისათვის, რომ გამოეხმაურა ჩვენს თხოვნას - მოეყოლა, კერძოდ რა მოხდება ,,წმინდა“ და ,,დიდ“ კრებაზე, რომელიც კუნძულ კრეტაზე ჩატარდება. ქრისტე აღსდგა, მამაო საბა!

- ჭეშმარიტად აღსდგა! ბევრი რამ გვესმის ამ საკითხზე და ბევრმაც გამოთქვა სხვადასხვა აზრი. ათონის წმინდა მთის წმინდა კინოტმა რამდენიმე დღის წინ (2016 წლის 15 მაისს) განცხადება გააკეთა კრებაზე განსახილველ დოკუმენტებთან დაკავშირებით, სადაც კინოტი ამბობს, რომ არ ეთანხმება ტექსტების შინაარსს და დაბეჯითებით მოითხოვს ცვლილებების შეტანას. ჩვენც იმავე პოზიციაზე ვდგავართ და სრულიად ვეთანხმებით ისეთ ეპისკოპოსებს, როგორებიც არიან მიტროპოლიტი სერაფიმე პირეელი, მიტროპოლიტი სერაფიმე კითერონელი და სხვა მრავალი - მაგალითად, მიტროპოლიტი იეროთეოზ ნავპაკტელი, აგრეთვე ისეთი ღვთისმეტყველები, როგორებიც არიან პროტოპრესვიტერი თეოდორე ზისისი, პროტოპრესვიტერი გიორგი მეტალინოსი და სხვანი.

- და ჩატარდა კონფერენცია ამ თემაზე...


- და ჩატარდა კონფერენცია ამ თემაზე, ამასთან, მან დიდი წარმატებით ჩაიარა, სრულფასოვანი და სარწმუნო ინფორმაცია იქნა წარმოდგენილი, რაც, როგორც წესია, არ ხდება ეპისკოპოსების მხრიდან და, განსაკუთრებით, კრეტაზე მცხოვრები ეპისკოპოსების მხრიდან, სადაც ტარდება კიდეც კრება. ჩვენ გვაქვს ჩვენი საწინააღმდეგო აზრი, ეს განსაკუთრებით ეხება განსახილველად წარმოდგენილი საკითხების შინაარსს. სამწუხაროდ, ყველაფრიდან ჩანს, რომ ეს კრება არათუ ვერ გადაჭრის არსებულ პრობლემებს, არამედ ახლებსაც კი შექმნის.

პირველი პრობლემა იმას უკავშირდება, რომ დოკუმენტის - ,,მართლმადიდებელი ეკლესიის ურთიერთობები დანარჩენ ქრისტიანულ სამყაროსთან“ - მე-6 პუნქტში მწვალებლობებს ეკლესიის სტატუსი ენიჭებათ, რისთვისაც არავითარი საფუძველი არ არსებობს და რაც მართლმადიდებელი ეკლესიისთვის სრული აბსურდია. იმის მიუხედავად, რომ დოკუმენტი იწყება ძალიან მართებული სიტყვებით: ,,მართლმადიდებელი ეკლესია არის ერთი, წმინდა, კათოლიკე და სამოციქულო ეკლესია“, ამას მოსდევს, რომ ეს ერთი, წმინდა, კათოლიკე და სამოციქულო ეკლესია, ანუ ჩვენი ეკლესია თითქოს აღიარებს, რომ არსებობს კიდევ რაღაც ეკლესიები, რომლებთანაც ჩვენ არა გვაქვს ერთობა. სინამდვილეში ასეთი რამ უბრალოდ შეუძლებელია. ამგვარად, მწვალებლობებს ეკლესიის სტატუსი ენიჭებათ და გამოდის, რომ ჩვენ პაპისტები, პროტესტანტები და დანარჩენი ეგრეთ წოდებული ,,ქრისტიანული სამყარო“ უნდა მივიღოთ, როგორც ქრისტეს ეკლესია.

- მაგრამ ჩვენ დიდი ხანია ვიცით, რომ მწვალებლურ თემებს არა აქვთ სული წმიდა და ამიტომ არ შეიძლება ეკლესიად იწოდებოდნენ.

- მართალს ბრძანებთ. და კიდევ ერთხელ უნდა შეგახსენოთ, რომ ამ დონის კრებებს ყოველთვის ამა თუ იმ მწვალებლობის ან არასწორი სწავლების დასაგმობად იწვევდნენ, რომლებიც ქრისტიანთა შორის აღმოცენდებდნენ ხოლმე და სწორ დოგმატებს არღვევდნენ. აქ კი ვხედავთ, რომ ყველაფერი პირიქითაა: კრებას იმისთვის იწვევენ, რომ მწვალებლობა კი არ დაგმონ, არამედ დააკანონონ. ამას ვხედავთ დოუმენტის ტექსტის მრავალ ადგილას. მაგალითად, კრების წინა დოკუმენტი აღიარებს და იწონებს ,,ეკლესიათა მსოფლიო საბჭოს“  - უფრო სწორად, ,,მწვალებლობათა მსოფლიო საბჭოს“ მოქმედებებს.


Σάββατο, 18 Νοεμβρίου 2017

მოძღვართა,მოციქულთა და წინასწარმეტყველთა შესახებ.


1.თუ ვინმე მოვა და შეგასწავლით ყოველივე ზემოთქმულს, მიიღეთ იგი. 

 2. თუ თავად მოძღვარი, შეცდომილი, წარსაწყმედელად სხვა მოძღვრების სწავლებას დაგიწყებთ (შდრ. იოანე, 1.10; გამოცხ. 2.15,20),  ნუ შეისმენთ მისას, ხოლო თუ სიმართლის განმრავლებას და უფლის შემეცნებას შეგასწავლით, მიიღეთ იგი, როგორც უფალი, (შდრ. მათე, 10.40).  

3. მოციქულებთან და წინასწარმეტყველებთან დაკავშირებით კი, სახარების მოძღვრების მიხედვით, ასე მოიქეცით: 


4. ყოველი მოციქული , რომელიც მოვა თქვენთან, მიღებული უნდა იქნას, როგორც უფალი.


 5. მაგრამ ის არ უნდა დარჩეს, თუ არა მხოლოდ ერთი დღით, ხოლო თუკი ამის აუცილებლობა შეიქმნება, კიდევ ერთ დღეს, მაგრამ თუ იგი სამ დღეს დაჰყოფს, მაშინ ის ცრუ წინასწარმეტყველია.  


6. წასვლისაც მოციქულმა არაფერი უნდა მიიღოს, გარდა პურისა, რომელიც საკმარისი იქნება ღამის გასათევ ადგილამდე მისაღწევად, ხოლო თუ იგი ვერცხლს მოითხოვს, მაშინ ის ცრუ წინასწარმეტყველია.


  7. წინასწარმეტყველებს, რომლებიც სულიერი შთაგონებით ლაპარაკობენ, ნუ გამოცდით, ნურც განსჯით, რადგან ყველა ცოდვა მიეტევა ადამიანს, ეს ცოდვა კი არ მიეტევება (მათე, 12,31; ლუკა, 12.10).


 8. ყველა , ვინც სულიერი შთაგონებით ლაპარაკობს, არ არის წინასწარმეტყველი, წინასწარმეტყველი  მხოლოდ ის არის, ვინც უფლის წესებს იცავს. შესაბამისად, ცრუ და ჭეშმარიტი წინასწარმეტყველი გამოიცნობა ცხოვრების წესთაგან (მათე, 7.15- 23).


 9. არცერთი წინასწარმეტყველი, რომელიც სულიერი შთაგონებით განაწესებს ტრაპეზს, არ ღებულობს საკვებს მისგან, თუ ის ცრუ წინასწარმეტყველი არ არის.


 10.ყოველი წინასწარმეტყველი, რომელიც ასწავლის ჭეშმარიტებას, თუ არ ახორციელებს იმას, რასაც ასწავლის, მაშინ ის ცრუ წინასწარმეტყველია. 


11. თითოეული წინასწარმეტყველი, ჭეშმარიტ წინასწარმეტყველად აღიარებული, რომელიც ეკლესიის მსოფლიო საიდუმლოების მსგავსად იღწვის, მაგრამ არ ასწავლის იმის კეთებას, რასაც თვითონ იქმს, არ უნდა განისაჯოს თქვენ მიერ, ვინაიდან მისი განსჯა უფლის ხელთააა, ვინაიდან ასე იქცეოდნენ ძველი წინასწარმეტყველებებიც. 


12. თუკი ვინმე სულიერი შთაგონებით იტყვის:'' მომეცი ვერცხლი ან რაიმე სხვა'', არ მოუსმინოთ მას. მაგრამ თუ ის სხვებისთვის, გაჭირვებულთათვის ითხოვს მიცემას, დაე, არავინ განსაჯოს იგი.


 დიდაქე.
 თორმეტი მოციქულის მოძღვრება.
 თორმეტი მოციქულის მიერ წარმართათვის ნაქადაგები მოძღვრება უფლისა.

Τρίτη, 31 Οκτωβρίου 2017

ჭეშმარიტი რწმენიდან განშორებას ომები მოაქვს და არა მშვიდობა ''უნეტარესო''.


არქიეპისკოპოსი იერონიმე: მართლმადიდებელი ეკლესია არ შეწყვეტს ლოცვას მთელი სამყაროს მშვიდობისთვის.



30- 31 ოქტომბერს ქ. ათენში გაიმართა მე-2 საერთაშორისო კონფერენცია თემაზე:  ''რელიგიური და კულტურული  პლურალიზმი და მშვიდობიანი თანაარსებობა შუა აღმოსავლეთში''.  ამ კონფერენციას ორგანიზება გაუკეთა  საბერძნეთის საგარეო საქმეთა სამინისტრომ  მინისტრ ნიკოს კოჯიასის  ინიციატივით.

კონფერენციას დაესწრნენ მსოფლიო პატრიარქი ბართლომე, ათენის არქიეპისკოპოსი  იერონიმე, იერუსალიმის პატრიარქი თეოფილე, ალექსანდრიის პატრიარქი თეოდოროსი, კვიპროსის არქიეპისკოპოსი ქრიზოსტომოსი,  ვოლოკოლამსკის პიტროპოლიტი ილარიონი , როგორც რუსეთის პატრირქ კირილეს წარმომადგენელი, მართლმადიდებელი ეკლესიების წარმომადგენლები( საქართველოს მართლმადიდებელი ეკლესიისა და სხვათა) , ეგვიპტის დიდი მუფტი, აგრეთვე  რელიგიური ხელმძღვანელები მუსულმანური და ებრაული სამყაროდან.  ასევე მონაწილეობდნენ     ეგვიპტის , კვიპროსისა და პალესტინის საგარეო საქმეთა მინისტრები, ვატიკანის მინისტრის მოადგილე და სხვადასხვა მაღალჩინოსანი წარმომადგენლები შუა აღმოსავლეთისა და ხმელთაშუა ზღვის ქვეყნებიდან. 

კონფერენცია ოფიციალურად  გახსნა საბერძნეთის  დემოკრატიის პრეზიდენტმა პროკოპის პავლოპულოსიმ.
მიმართვა გააკეთა ელადის ეკლესიის მეთაურმა არქიეპისკოპოსმა იერონიმემ,  სადაც აღნიშნა, რომ საბერძნეთი მხარს უჭერს რელიგიათშორის დიალოგებს, რელიგიურ თავისუფლებასა და ადამიანთა უფლებების დაცვას. ისაუბრა შუა აღმოსავლეთის  კატასტროფის შედეგებზე ,  შეეხო ლტოლვილთა მტკივნეულ თემას და ყურადღება გაამახვილა  საბრძოლო კონფლიქტების შეწყვეტისა და მშვიდობის დამყარების აუცილებლობაზე შუა აღმოსავლეთში...
წყარო:http://www.vimaorthodoxias.gr

«ათენის ამ  რელიგიათშორის შეხვედრაზე მოხდა მცდელობა სინკრეტული, რელიგიათშორისი და ეკუმენისტური თეორიის   ჩვენებისა რელიგიათა მშვიდობიანი თანაარსებობის შესახებ, როგორც ერთადერთი გამოსავალი ომის  პრობლემისა.  მაგრამ ეს თეორია  არის მცდარი.
  რელიგიების მშვიდობიანი თანაარსებობა  მართლმადიდებელი   ეკლესიისთვის  ნიშნავს სახარების ქადაგების შეწყვეტას და მართლმადიდებლობის, როგორც ერთადერთი ჭეშმარიტი ეკლესიის  გაქრობას.
 მშვიდობიანი თანაარსებობა რელიგიების ნიშნავს ჰარმონიულ თანაარსებობას ჭეშმარიტებისა სიცრუესთან, სინათლისა სიბნელესთან, ქრისტესი, რომელიც ნათლის სხივია ეშმაკთან, რომელიც სიბნელის მცველია.  
  ერებს შორის მშვიდობიანი თანაარსებობა შესაძლებელია,  რელიგიათშორისი  მშვიდობიანი თანანარსებობა კი არასოდეს მოხდება». 
პროტოპრესვიტერი ანგელოს ანგელაკოპულოსი. (π.Άγγελος Αγγελακόπουλος, Διαθρησκειακή Αθήνα)









.



 ფოტოალბომის ნახვა შეხვედრიდან შეგიძლიათ ამ მისამართზე:
https://www.flickr.com/photos/142275543@N05/sets/72157665628347289/

 ვიდეო შეხვედრიდან:https://www.facebook.com/ectvgr/videos/498189700548486

 წყარო:http://www.vimaorthodoxias.gr

Σάββατο, 28 Οκτωβρίου 2017

წმიდა თეოდორე სტუდიელი - წერილი იღუმენ თეოფილეს



მინდოდა რაც შეიძლება მალე გამომეგზავნა წერილი შენი სიწმინდისათვის, მაგრამ მკაცრი პატიმრობის ქვეშა ვარ და აქამდე ვერაფრით მოვახერხე. ახლა კი, როდესაც სახიერმა ღმერთმა ინება და მომივლინა კაციცა და შემთხვევაც, ვისრულებ საწადელს, მოგესალმები და გეხვევი შენ, ჩემს სულიერ მამას, რომელიც ჭეშმარიტად ძალიან მიყვარს. ამა სოფლის მპყრობელთ ხორციელად კი გაგვყარეს, მაგრამ ამით ჩვენი ღმრთისმიერი ერთობა და სიყვარული ვერ დაარღვიეს, პირიქით, უფრო მეტადაც შეგვაკავშირეს. მჯერა, რომ შენს ღირსებასაც ვუყვარვარ მე უღირსი და ურყევად ადგას მართლმადიდებელი და ღმრთის სათნო აღმსარებლობის გზას. ყოველთვის ასეთად ჩანდი ღმრთისა და კაცთა წინაშე, და არჩიე ჩვენთან ერთად გაგეყო დევნულება ღმრთისმოშიშების წილ, თუმცა ეს არ სურდათ ძლიერთა ამა სოფლისა, ეშინოდათ მრავლის განდევნა და დატუსაღება, იმედი ჰქონდათ, რომ ამით ქვეყანას დაარწმუნებდნენ, თითქოს მხოლოდ მე ვუპირისპირდები, სხვა კი ყველა მათ მხარესაა. სინამდვილეში ასეთი ბევრია მათ სახელმწიფოში, თუმცა ისინი იმალებიან ან შიშის, ან შემგუებლობის გამო, ასე რომ, შეგვიძლია გავიმეოროთ ღმრთაებრივი დავითის სიტყვები: ”აღვრაცხნე იგინი, და უფროის ქვშისა განმრავლდენ” (ფს. 138,18).


მართლაც, ეს უსჯულოება არც მცირეა და არც დაფარული, არამედ დიდი და თვალსაჩინო იმათთვის, ვისაც გონება უჭრის. მათ, თქვენო მაღალღირსებავ რამდენადაც ხელეწიფებოდათ, გააუკუღმართეს ქრისტეს განგებულება იმით, რომ სახარების მცნების დარღვევა და მემრუშეთა ქორწინება ეკლესიის მხსნელ იკონომიად გამოაცხადეს და ვინც ეს ამბავი არ მოიწონა, ისინი შეაჩვენეს. ერთი მცნების დარღვევით მთელი სახარება ხელყვეს, რამეთუ წერია: ”რომელმან ყოველი ჰსჯული დაიამრხოს და ჰსცთეს ერთითა, იქმნა იგი ყოვლისავე თანა-მდებ” (იაკობ. 2,10), მათ კი დაცემულებს, უფრო სწორად, მემრუშეებსა და მათ დამაქორწინებელებს, აგრეთვე მათ თანამონაწილეებს და ყველას, ვისაც რაიმე ურთიერთობა აქვს მათთან (ყველა ესენი ერთმანეთისგან არაფრით განსხვავდებიან) დამნაშავეებს კი არა, ღმრთის განგების აღმასრულებლებს უწოდებენ.

მაშ ტყუის იგი (ღმერთი), ვინც ასეთ ადამიანებს დამნაშავეებად სახელდებს, წმინდანები კი უცხონი ყოფილან ღმრთის განგებულებისათვის, რამეთუ არც ერთ წმინდანს არ შეუბღალავს ღმრთაებრივი კანონი, ხოლო ვინც შებღალა, მას შეუძლებელია წმინდანის სახელი ერქვას. ისინი კი ამ გადახვევას უცვალებელ დოგმატად აქცევენ, ღმრთაებრივ კანონად გვიდგენენ და ანათემას გადასცემენ ყველას, ვინც მათ თანამონაწილე არ უხდება. მაგრამ არც ცაზე და არც მიწაზე არც ერთი წმინდანი არ შეეწევა მრუშობას. ამგვარად, ცხადია, რომ მათ სახარების ერთი მცნების დარღვევით არა მხოლოდ მთელი სახარება ხელყვეს (თანაც საეკლესიო კრების განჩინებით ეს დარღვევა ეკლესიის მხსნელ იკონომიად გამოაცხადეს და დაადგინეს, რომ ყოველი მცნება შეიძლება დავარღვიოთ და ამ დარღვევას იკონომია ვუწოდოთ), არამედ შეაჩვენეს წმინდანები, რომლებიც არ იწონებენ ამ საქციელს, წმინდანებთან ერთდ კი მას არც ღმერთი იწონებს.


Πέμπτη, 26 Οκτωβρίου 2017

ქ. ვერიაში 15-მა ერისკაცმა მოაწერა ხელი, თავიანთ მიტროპოლიტთან საეკლესიო ურთიერთობის გაწყვეტის- გამიჯვნის (Αποτείχιση) შესახებ.


 საეკლესიო ურთიერთობის გაწყვეტა- გამიჯვნა (Αποτείχιση)

მართლმადიდებლური ეკლესიების ეკუმენისტი წარმომადგენლებისა და მათი მიმდევარი მღვდელმთავრების მიერ  საბერძნეთის კუნძულ კრეტაზე 2016 წელს ივნისის თვეში   ჩატარებულ ფსევდო კრებაზე ოფიციალურად იქნა  დაკანონებული ეკუმენიზმის ერესი და  ის  გახდა მართლმადიდებელი ეკლესიის სჯულიერი ხაზი.

და შესაბამისად ყოველი მართლმადიდებლის მოვალეობაა წმ. მამათა სწავლებებისა ( წმ. ათანასე დიდი, წმ. ბასილი დიდი, წმ. თეოდორე სტუდიელის თუ სხვათა) და საეკლესიო კანონებზე დაყრდნობით  (წმ. მოციქულთა მე-10 და 31-ე კანონები, ანტიოქიის კრების მე-2 კანონი, ლაუდიკიის კრების 33- ე კანონი,  კონსტანტინეპოლისის ორგზისი კრების მე-15 კანონი) გაემიჯნოს  (Αποτειχίζω - ბერძნული სიტყვაა და ნიშნავს '' კედლის აღმართვას'')  ერესსა და მათ მიმდევარ ერეტიკოსებს.

გთავაზობთ   საბერძნეთის ქ. ვერიის ერისკაცთა მიერ  თავიანთი   მწვალებელი ეპისკოპოსის მიმართ გაგზავნილ ეპისტოლეს ბერძნულიდან თარგმანს.

ვერიის, ნაუსისა და კამპანიას ეპისკოპოსო ბ. პანტელეიმონს

''უკვე ათეული წლებია თქვენ და საბერძნეთის დანარჩენი ეპისკოპოსები, ინარჩუნებთ ეკლესიურ კავშირს და მიაგებთ პატივს კონსტანტინეპოლის პატრიარქს ბართლომეს, რომელიც არის ღვთის, წმ. მამათა და წმ. კრებების მგმობელი.


უკვე ათეული წლებია თქვენ და სამღვდელოება, პატივს მიაგებთ და  წარმოაჩენთ მას, როგორც მაგალითს და კურთხევას მორწმუნეთათვის. უკვე ნათელია , რომ არიოზიც , ვეკოსიც და კალეკასიც რომ ყოფილიყვნენ პატრიარქები , იგივეს მოიმოქმედებდით, რამეთუ ბართლომე ყველა მათგანს წარმოადგენს.

ეპისკოპოსები და თითქმის მთელი საწმყსო,  
მცირედ რწმენის გამო, მშვიდად არიან სიცრუის კურთხევითა და ჯვარცმული უფლის ქადაგების შეცვლით, მგელ(ერეტიკოს)- მეგობრების ეკლესიაში შეღწევის გამო.


არ წახვედით რა თქმა უნდა კრეტის ფსევდო კრებაზე, მაგრამ მალევე იზეიმეთ აქ,  ქ.ვერიაში ბართლომესთან ერთად, აჩვენეთ რა ამით- კიდევ ერთხელ- თქვენი მასთან ერთად თანამშრომლობა.

მიუხედავად იმისა, რომ გეწვიეთ საეპისკოპოსოსში, გამოვთქვით  რა ჩვენი წუხილი და -არცთუ იშვიათად - ჩვენი აღშფოთება, ბართლომეს დაცემისა, მიუხედავად იმისა, რომ 2 წლის უკან გავუგზავნეთ რა ეპისტოლე თვითონ სკანდალურ პატრიარქს, სადაც მას ვთხოვდით, რომ დაბრუნებოდა მართლმადიდებლურ ტრადიციებს, თქვენ, იმის მაგივრად, რომ გამოგეფხიზლათ და დაფიქრებულიყავით, თუ რატომ აღსდგა თქვენი მრევლი, იზრუნეთ იმაზე, რომ მღვდელთა სინაქსისზე წამოაყენეთ საჩივარი ჩვენზე სხვადასხვა დახასიათებებითა და მწარე შენიშვნებით და ამით ხმამაღლა დააფიქსირეთ მხარში დგომა თქვენი უფროსის ბართლომეს მიმართ, გულგრილობა გამოიჩინეთ რა იმ საწმყოს მიმართ, რომელიც თქვენ განდოთ უფალმა.